Մեր գրասենյակ էր դիմել հաճախորդ՝ կրիպտոարժույթը դոլարի փոխանակելու նպատակով։ Երիտասարդը հայտնեց, որ ակտիվները պատկանել են իր հորը, որը վերջերս մահացել էր, և դրանք պահվում էին Binance բորսայում։ Երիտասարդը չուներ միջոցների դուրսբերման համար անհրաժեշտ բոլոր հասանելիությունները, ուստի կրիպտոարժույթը փոխանակել չհաջողվեց։ Սակայն մեկ ամիս անց նա կրկին եկավ, և գործարքը հաջողությամբ իրականացվեց։Մեզ հետաքրքրեց մահացած հարազատի Binance բորսայի հաշվից միջոցների վերադարձման գործընթացը, և ահա թե ինչ պարզեցինք։
Binance բորսայում գտնվող կրիպտոակտիվներին հասանելիություն ստանալու գործընթացը հաշվի սեփականատիրոջ մահից հետո որոշ չափով տարբերվում է բանկային ստանդարտ ընթացակարգերից, սակայն ընդհանուր առմամբ նույնպես պահանջում է իրավական փաստաթղթեր։ Ահա թե ինչպես կարելի է գործել:
Կապ հաստատեք Binance-ի աջակցման ծառայության հետ։
Մուտք գործեք Binance-ի կայք և կապ հաստատեք նրանց աջակցման ծառայության հետ։ Նկարագրեք իրավիճակը և հարցում ուղարկեք՝ մահացած անձի հաշվին հասանելիություն ստանալու ընթացակարգի վերաբերյալ տեղեկություն ստանալու համար։
Լավագույն տարբերակը հարցման ձևի միջոցով դիմելն է՝ նշելով, որ դուք հանդիսանում եք ժառանգը։
Ներկայացրեք իրավական փաստաթղթեր։
Ամենայն հավանականությամբ Binance-ը կպահանջի հետևյալ փաստաթղթերը․
- Հաշվի սեփականատիրոջ մահվան վկայականը։
- Ժառանգության իրավունքի վկայական կամ դատարանի որոշում, որը հաստատում է, որ դուք օրինական ժառանգն եք։
- Անձը հաստատող փաստաթղթեր (ձեր անձնագիրը կամ նույնականացման քարտը, ինչպես նաև մահացած անձի անձը հաստատող փաստաթուղթը)։
Վերիֆիկացման գործընթաց. փաստաթղթերը ստանալուց հետո Binance-ը կստուգի դրանք։ Սա կարող է որոշ ժամանակ պահանջել, քանի որ կրիպտոբորսաները ձգտում են ապահովել ակտիվների անվտանգությունը և կանխել խարդախությունը։
Հաշվին հասանելիություն
Եթե Binance-ը հաստատի ձեր դիմումը, դուք կկարողանաք ստանալ հասանելիություն հաշվին կամ փոխանցել կրիպտոարժույթը ձեր սեփական հաշվին։ Կարևոր է հասկանալ, որ Binance-ում, ինչպես նաև այլ բորսաներում, ակտիվների փոխանցումը կարող է ավելի բարդ լինել, քան սովորական բանկում, քանի որ գործընթացը կարող է ավելի խիստ կարգավորվել։ Եթե առաջանան դժվարություններ, հնարավոր է պահանջվի իրավաբանական օգնություն, քանի որ կրիպտոակտիվները միշտ չէ, որ կարգավորվում են ազգային ժառանգական օրենսդրությամբ։ Որոշ դեպքերում կարող է անհրաժեշտ լինել դիմել դատարան։ Եթե կտակում նշված են կրիպտոարժութային ակտիվները և դրանց հասանելիության միջոցները (օրինակ՝ private key-երի միջոցով), գործընթացը կարող է ավելի պարզ լինել։ Եթե հաշվում ակտիվացված է 2FA-ը, հնարավոր է լրացուցիչ ժամանակ պահանջվի հասանելիություն ստանալու համար, քանի որ Binance-ը պահանջում է անվտանգության հաստատում։
Անպայման հետևեք Binance-ի աջակցման ծառայության կողմից տրամադրված ցուցումներին և պատրաստ եղեք ներկայացնել ձեր իրավունքները հաստատող բոլոր անհրաժեշտ փաստաթղթերը։